«С.Ж.Асфендияров атындағы ҚазҰМУ» КЕАҚ талапкерлерге арналған арнаулы емтиханды өткізу (психометрикалық тестілеу)

«Денсаулық сақтау» білім беру саласындағы жоғары білімнің Мейірбике ісі, Медицина, Стоматология, Педиатрия, Медико-профилактикалық іс, Клиникалық психология білім беру бағдарламаларына қабылдау арнаулы емтиханды (психометриялық тест) ескере отырып жүзеге асырылады, оны Қазақстан Республикасының кез келген медициналық университетінде тапсыруға болады.

Психометрикалық тестілеу «ӨТТІ» немесе «ӨТПЕДІ» деген нысанда бағаланады. Психометриялық тестілеу нәтижелері бойынша өтініш берушіге арнаулы емтихан тапсыратын орнына қарамастан медициналық жоғары оқу орындарына ұсыну үшін рұқсат беру ведомосінен үзінді көшірме беріледі.

Психометрикалық тестілеу ОНЛАЙН және ОФЛАЙН режимде өткізіледі.

1. Психометриялық тесті ОНЛАЙН форматында

(сенбі және жексенбіден басқа, күн сайын сағат 09:00-ден 18:00-ге дейін) өткен жағдайда қажет:

1. Нұсқаулықты оқыңыз
2. ЭЦҚ кілтін алу ;
3. Тіркелу және тест тапсыру
4. Тест тапсыру. Тест екі этаптан тұрады. Тест тапсырып болғаннан кейін нәтижесін жүктеп алу.

2. Психометриялық тесті ОФЛАЙН форматында

Өткен жағдайда қажет:

1. Тестілеу басталғанға дейін 30 минут бұрын кестеге сәйкес университетке келу керек;
2. Өзіңізбен бірге жеке куәлік пен ЭЦҚ кілті болу керек.